چیرؤک/ خهرابات
ههزار ههزار دێنه کۆڵانهوه . ئهم سهراوسهری دهگرن .تهنگ بهههمووشت ههڵدهچنن. به لێشاو لهدهرگا دهدهن . کهس لێیان ناکاتهوه ناوێرن؟ ئهگهر ههروا بڕواته پێشێ ،دڵنیام گشتیان بهفیڕۆ دهچن . گهشه ونهشهیان تێدا بهدی ناکهی ،وشک ههڵاتوون .چهند کهسێکیان فێیان لێدی . شێتانه لوولهی تفهنگهکانیان دهگرنه سهربانهکان و دهیتهقێنن . دێو ودرنج بهپهل وپۆکوتان دهکهونه خوارێ ، بهڵام دهرگاکان ناکرێنهوه .باوکم بهسهرمهوه ڕاوهستاوه ، بهسهرم دا دهقیژێنی :ماڕزباب ناتهوێ ئهو درگایهیان لێ بکهیهوه ؟ من تخێڵی زهوی ببووم ،خۆم وام کرد بوو. – من بۆ؟ ئهی بۆخۆت چی ؟ ئهی خهڵک نهههو؟ ئهوان بۆ نایکهنهوه ...
پاڵ دههاوێژنه دیوارهکان ودهتوێنهوه . دیوارهکان پڕدهبن لهخاڵی ڕهش . لهپڕ لهو دیودیوارهکانهوه دادهگیرسێن . توێژه نوورانییهکهی داڵدهی داون بهنینۆک لهسهرێ وتاخوارێ دادهدڕنوو زرم ههنگاو بهرهو ...- پێم وابێ – نادیار ههڵدههێننهوه . ههوهڵ کهس بهتهمان من قۆڵ بهست کهن . بهڵام من لهوسهری دێمهوه . لهپێش ههمووکهس دا دهچم بۆ پێشوازیان و خولکیان دهکهمه ژوورێ . تێکڕا پیم پێدهکهنن وسهرڕادهوهشێنن. تێکڕا چاوم لێدادهگرن . لاقهکانم تێکهڵاو دێن. – بابه شوورهییه ...
باوکم ڕوودهکاته فهرماندهکهیان : قوربان فریام کهوه ، خواردوویانم . تهنیا ئێسکانهکانم ماوه ، قوربان بڕستیان لێبڕیوم ،ئاسمانیان لێگرتووم ،تهنیویانه .ههرچی دۆعا دهکهم زهروو دههێنمهوه . ئاخ... چهنده گهرووم دێشێ .
-بابه عهیبه ....
باوکم چاوهکانی دهقووچێنێ : ده زانم بڕوام پێناکهی قوربان ، حهقتانه قوربان ، من به خۆشم لهپێش دا بۆم جێگای بڕواپێکردن نهبوو. بهڵام ، ( دهپاڕێتهوه ) ئێوه پێویسته باوهڕم پێبکهن ، قوربان ! ( وهک ئهوهی شتێکی گرینگی دۆزیبێتهوه . بهری دهستهکانی لێک دهخشێنێ .)ئهرێ قوربان ،ئێوه جهنابی شێخ دهناسن ؟ ! زۆر باشه ! قوربان ،جهنابی شێخ چاکتردهزانێ . ئهودهیان ناسێ ، دهفرمێ کافرن ، ڕاست دهکا قوربان ، خۆیان دهفرۆشن .بهڵێ من دهزانم ، بهڵێ . شهوانه بۆئهوهی بم ترسێنن رۆح بهدهرم دهکهن . پهل وپۆیان دهخهنه حهوشهوه.دهزانی قوربان ،بۆنی مێوژیان لێدی .
لهو کاتهدا شێخ خۆی دهکا بهماڵێدا .ئهو عهبایهی توند به خۆیهوه پێچابوولهگهڵ وژهی- با – لهئهندامی جیا دهبێتهوه ، وه حهوا دهکهوێ لهگهڵیدا هۆش وگۆشی منی کڵۆڵ و چاوه فرمێسکاوییهکانی باوکم . شهقهی ههڵفڕینی عه با وهک لێک دانی دهسماڵی یهزدی لهبن گوێم دهزرینگێتهوه . لهسهر رێگای خۆی کۆترهباریکهیهک دهپێچێتهوه و دهیبا .
شێخ وهک میر غهزهب لهنێوهڕاستی حهوشه ڕادهوهستی . بابم بهههپڕوونی خۆی دهخاته ئامێزییهوه .
شێخ بابم له ناو باوهشی دا جێدهکاتهوه . بزهیهکی شێتانهی لهسهر لێوهکانی داناوه . یهک لهدوای یهک دهست بهسهری بابم دا دێنی ونهوازشتی دهکا .دهستێک دهخاته سهر شانی فهرمانده . وهک ئهوهی وهحهوا کهوتبێ ، تۆزقاڵێک لهسهرووی عهرزی ڕاوهستاوه . بێ ئهوهی تهمهشای جێگایهکی تایبهت بکا بۆی دهخهنێتهوه . چین وچرووک لهسهر روومهتی ههڵبهز دابهزیانه . بهدهست خۆم نییه ههرچی بیر دهکهمهوه وهبیر ههڵکۆڵراوهکانی چاخی شهیتان دهکهومهوه که لهپشت ماڵان پارێزراوه . ددانهکانی شێخ: بێزم ههڵدهستی . توێژێکی زهرد وناحهز دایپۆشیون . بهپێچهوانهی رێزی سهرێ که لهوهدهچێ باشتر مابێتن ،رێزی خواری زۆر خوار وخێچ وناحهزن . دو سێ دانهشیا ن کهوتوون و کهلێنێکی ئێکجار ناحهزیان بهدی هێناوه . دهسته وشک وباریکهکانی بهرهو ئاسمان ههڵدههێنی . دهمارهشین وسهوزهکانی وهدیار دهکهون . دڵنیام جگه له خوێن بۆی ههیه ههمووشتیکی تێدا بی ، دو جا ر لهپی دهستهکانی لێک دهدا . گێژهڵووکهیهکی سهیر وسهمهره دهور وبهرمان دهتهنێتهوه . چاو چاو نابینێ . شێخ دهڵێ : گوێ بدهنێ ، فهرمان ئهوهیه ، دهبێ دارهکان بسووتێنن . سهرخۆشانه دهورێک دهسوڕێتهوه رادهوهستێ ،ههست دهکهم پێڵۆی یهکێک له چاوهکانی دهپهڕێ . بهڵام ...ئهوهی که نهسووتا ئهوه رۆحی چهپهڵی ئهم گهندهڵهیه . دهستی نهفرهتاوی بهرهو من ڕادهدێرێ : عهزابی خوای لهسهر بێ . بێ یهک ودو سهربازگهمارۆم دهدهن وقۆڵ بهستم دهکهن . بهههموو قهوهتم ههوڵ دهدهم خۆم رزگار کهم . خۆم ڕادهپسکێنم . بهڵام بێ سووده . – بابه بهخوا کوێر دهبین ... بابم من هیچ ،تهنانهت ئاگای لهخۆشی نییه ، وهک ئهوهوایه جادووکرابی . بهدهستێک ریشی شێخ شانه دهکا و بهدهستهکهی تری خهریکه نهمامێک ههڵدهکێشێ . لهپڕکرتهیهک لهپشتمهوه دێ . ههست دهکهم تۆزێک لهعهرزی ڕۆچووم . شێخ بهردهوام دهستهکانی لێک دهدهاووهک ئهوهی جهزمی کردبێ لهجێ ی خۆی دهخولێتهوه . فهرمانده وهک ههلووک ههڵدهسووڕێ و دهستوور دهدا. ئاور لهههموو دارهکان بهردهدهن . باوکم دهستی شێخ لهناو دهستهکانی دهگرێ و رێنوینی دهکا بۆلای کورسییهکی شکۆدار کهلهپاڵ دیواری حهوشه داندرابوو. ههر کهشێخ دادهنیشێ ،باوکه لهبهر پێی دادهنیشێ . سهری دهنێ بهلاقی شێخهوه .چاوهکانی کهمێک دهنێته سهر یهک و لهسهرهخۆ دهلاڵێتهوه : - کوڕهکهیان لێکردووم ، قهت بڕوام نهدهکرد ئاوام بهسهر بێنن. پهیتا پهیتا لهگهڵی قسه دهکهن . بهڵام خۆیان پیشانی من نادهن . قوربان ئابڕووبهرهن . به دهستووری شێخ ڕاکێش ڕاکێش دهمبهنو لهبهردهمی دهمدهن بهعهرزدا .چاوهکانی تهنگتر دهکاتهوه ، وهک ئهوهی نهتوانێ بهباشی بمبینێ ، بهڵام گلێنهی چاوی لهجاران ڕهشتر دیاره . ئهوهش زیاتر لهجاران دهمترسێنی . چاوهکانی شێخ: بیدرکێنه... قیژهکانی من : نا...نا ...ههست دهکهم تهنیا زارم نییه قیژهکانی دهگرێته شێخ بهڵکوو ئازای ئهندامم لهگهڵیا هاوکاری دهکهن ، تێدهگهم ههموولهشم لهگهڵ ئهوهی لهوپهڕی توڕهی دان کهچی بهکڵۆڵی دهست دهکهن بهگریان . سهرم خهریکه بهههنیسکهوه ههڵکهندرێ بهڵام دیسانیش دهڵێم : - ههمووی خهتای تۆیه شێخ ! دهزانم دهتهوێ بیدۆزیهوهو بۆخۆتی ههڵگری . ئهی شیڕ بههیوابه ... تامن مابم ناهێڵم دهستی پێ بگهیهنی . – بیدرکێنه ...دهی زوو...سهربازهکان بهنێو ماڵێدا وهر دهبن . گشت کهلێن وقوژبنێکی دهگهڕێن ههموووڵاتیان شێواندووه .ئاداریان بهسهر پادارییهوه نههێشتووه . شێخ بهخۆی وهپێشیان کهوتووه .بهگۆچانه درێژهکهی نێو دار وچڵ وپۆپهکان دهگهڕێ . تهواو وهک هاری لێهاتووه . بابم گهلحۆیانه وهدوای کهوتووه . لهپڕشێخ ڕادهوهستێ ، دهبریسکێتهوه . ددانه کانی لهخۆشیان دهکهونه خوارێ . لهخۆڵ دهگهوزین ،بهڵام لهوهدهچێ لای گرینگ نهبێ ، گۆیی ناداتێ . باکم دادهنهوێتهوه ، بهحورمهتهوه ههڵیان دهگرێتهوه . وهک ئهوهی شتیکی ئێکجار پیرۆزی بهدهستهوهبێ تێان دهڕوانێ ،بهئاستهم فوویان لێدهکاو بهدهسرۆکه هاوریشمهکهی دهیسڕێ . شێخ بهپهله لهدهستی باوکمی وهردهگرێ و دهیخاته دهمیوه . – ئافهرم !... باکم : بهسهدهقهت بم ... شێخ : بۆخۆم...بهپێی فهرمان دهست دهکهن بهسووتاندنی دارهکان . هێندهی پێ ناچێ دارهکان و تهنانهت گژ وگیاش ههمووی دهبنهقوربانی ، جگه لهدارمێوهکه . تهنیا ئهو ده هێڵنهوه . نازانم چی بکهم . عهجمانم لێههڵگیراوه . لهتاوان خهریکهکۆێراییم دابێ . لهکاتێکا ههناسهم بۆههڵناکێشرێ و ههنیسک له قوڕگمدا گیری کردووهو دهیڕووشێنێ ، بهئهوپهڕی کۆلیلییهوه دهڵێم : نهمکووت بابه ... بۆبهقسهت نهکردم ؟ تهمهشا چ بهڵایهکیان بهسهر ماڵ وحاڵمان هێنا . بۆن بکه بۆسۆی نهفرهت وڵاتی داگرتووه ، جیهان تێگهی ،بهتهمانی لهخهوههستی ؟ ! باوکم وهک ئهوهی گویی لهمنیش نهبێ ههروا جادووکراووسێحراوی چاوهکانی بڕیوهته شێخ وئاکاری وێرانکهری . بهگشتیان دهورهی دهدهن . ورده ورده خهریکن لێی نزیک دهبنهوه ، بهڵام پێش ئهوهی بگهنه سهری وههڵیکێشن شتیک دهقهمێ وڕیسهکهیان دهکاتهوه خوری . لهناوقووڵایی ههناوی دارهکهو لهناو یهک بهیهکی دهمارهکانییهوه هاوارێک ههڵدهقوڵێ . بهحهدێ تیژ وترسێنهره ،خۆیان بۆڕاگیرنابێ و بهتهواوی هێزیان گۆییان دهئاخنن . ههربۆیهش گهمارۆتێک دهشکێ ولێک دهڕهوێتهوه .بهوپهڕی سهرسووڕمانهوه دهبینم داره مێیینه باوهش دهکاتهوه وبانگم لێدهکا . منیش وهک ئهوهی لهمێژساڵ بێ چاوهڕوانی وهها زهمانێک بم بهپڕتاو بهرهوڕووی دهچم وخۆم دهخهمه باوهشێوه ونوقم دهبم . بهم حاڵهش چهند جار دووپات دهبمهوه . جارێک لهسهربان لهکۆشی دێوهکاندا ، جارێک لهسهربان لهباوهشی ههورهکان . لهناوجهرگهی ئهم دۆنادۆن وگۆڕانهدا لهیهک پڕدا ههرا لهباوکم دهکهم : - خوداگیرم دهبی بابه ...
بابم یهک بهخۆی دادهچڵهکێ . بهههرجۆرێکه دهستی لهگویی دهکاتهوه وبهچوار دهوری دا دهڕوانێ . شێخ تازه خهریکه لهسڕی دێته دهر ، بهتوڕهیی بهری دهستهکانی لێک دهدا. سهربازهکانیش وردهورده سڕبوون بهریان دهدا. باوکم دادهنهوێ ودهنووسێ بهداوێنی لیباسهکهی شێخهوه ودهڵێ : جهنابی شێخ ئهوه چ دهکهی ؟ من تهنیا ئهوکوڕهم ههیه . باوهڕ بفهرموو بێجگه لهو نۆکهرهی جهنابتان کهسی که شک نابهم . شێخ کهمێک له باوکم ڕادهمێنێ ودوایی لهقاقای پێکهنین دهدا : -خهمت بهبێ ڕۆڵه ،ئهوهنییه منت ههیه ، خهمی چته ! تازه شتێکت پێ بڵێم ئارخایهنت کهم ،بهری کۆن زهرد دهبێ بهڵام نافهوتێ . – بابه ئهری چ قهماوه ، تۆ لهکوێ ڕاوهستاوی ؟ ئهی بۆ ناتبینم ؟ دونیا بۆ ڕهشه ... بابه خۆ هیچ کوێ نابینم ... فهرمانده لهپاڵ دیواری حهوشه لهژێر سێبهری دار مێوهک ڕاکشاوه . دهڵێی ههزار ساڵ دهبێ خهوی لێکهوتوو ، پرخهی رۆژهڕێهک دهڕوا . شێخ بهچیلکهیهک خهریکه تێی دهوهژێنێ بهشکم لهو خهوه بهبڕوای ئهو نابه جێیه ههڵی ستێنێ . کهچی فهرمانده گویی پێنادا ،قامکی ئهسپێ کوژهی ناوهته دهمێوهو زۆر بهئیشتییا دهیمژێ :- دهلێم گهڕێ دایکه ،خۆ زۆری ماوه بۆ کاتی چوون بۆ مهدرهسه ،باکهمهکێکی دیش بنووم . مڵچ... مڵچ... مڵ...سهربازهکان بهدهوری شێخهوه کۆدهبنهوه ، بهتامهزرۆیی تێی دهڕوانن . بهنێویان دادهگهڕێ و نهوازشتیان دهکا . لهترووکهی چاوێکدا ههموو شتێک ئههوهن دهکاتهوه . بابم ههتا خودا حهز بکا ماندووه ،بهڵام ههرچی دهکا جێیهک نادۆزێتهوه بۆ دانیشتن ببێ . ههست دهکا ههمووشوێنهکان شیلاوییه . بهردهوام لهبهر خۆیهوه دهڵێ : - ده چ بکهم ڕۆڵه بهوڵڵایی تاوانم نییه .دهک بهقوڕ گیرێ ،خۆ شوێنێک نییه تێیدا وهحهسێی .بهڕاستی بهقهت کهرێک ماندووبووم . شێخ کاتێ لهفهرمانده ناهومێد دهبێ ، سهربازگهل له پهنایهک بهرێز دهکاو بهخۆی دهچێته سهر سهتڵه زبڵێک وئاوا بۆیا ن دهدوێ : - کوڕگهل بهجوانی گوێم دهنێ ،ئهوه ئیتر ههلێکهوڕهخساوه شایهد ههرگیز دووپات نهبێتهوه ،بهخۆتان شایهدن من بێ وچان گهڕام، تهواوی ههوڵی خۆم دا . ئیتر ههمووهیواوهومێدم بهئێوهیه .نهم توانی بیدۆزمهوه . بهڵام دڵنیام بهئێوهی نێرینه پهیدادهبێ . ههدووک دهستی بهرهو ئاسمان ههڵدههێنێ و: - خوایه... ئهی خوای مهزن لهدهستی بستێ گۆشت کهبهر ناگرێ هیچ ، خهریکه لهبهرهوهش قووتمان دهدا رزگارمان که ! لهوپهڕی کوڵڵی داین ،پێویسته ئاوڕێکمان لێبدهیهوه ! بۆ فهرامۆشت کردوین ؟!ههناسهی سوار دهبێ وئیتر هیچی بۆناگوترێ ،لهجێی خۆی ههڵدهترووشێ . ههست دهکا خۆی پیس کردووه . ( نهدهبوۆایه لێی بپاڕێمهوه ،خۆم سووک وچرووک کرد ،ئهوهتا ئاوا جوابی دامهوه. )ههروالهسهر چۆک بهرهو لای من دێ .بهسهر تهرمهکهمهوه ڕادهوهستێ : -مهردی خودابه پیشانمی ده!بهخۆت دهزانی لهمێژه عهوداڵیم .ئهگهر ئهم چاکهیهم لهگهڵ بکهی شهرت بێ زیندووت کهمهوه. بێ دهنگ پێدهکهنم . لێم ڕوون دۆڕاندوویهتی . ئهوه دوایین پهلهقاژهیهتی . ئای چهنده بهکهیفم !سهربازهکان دهچنه بن پیلی فهرماندهوه ، بههیچ کلوجێ خهو بهری نادا . ڕاکێش ڕاکێش لهژێر دار مێوهکهی دوور دهخهنهوه . دهزانم ئێستا ترسێکی قورس وگران ئاوێتهی دڵیان بووه .ئاگایان لهخۆبڕاوه، وێک دهکهون . بهیهکهوه دهنووسێن . دهڕووشێن . دهست دهکهن به درۆ کردن بۆیهکتری . ئێستا بهتهواوی دهزانم بهڕاستی کوێر بوون . بهدبهختانه ،تهنانهت ناتوانن وهک من بتوێنهوهش . دهست لهبن پیلی فهرمانده بهر دهدهن . تهرمهخهواڵۆکه تخێڵی عهرزی دهبێ ، لهمهودای کهوتنی یهک لهدوای یهک قامکهکانی بۆمژتن لهزاری رۆدهکا ، مڵچ ...مڵچ...مڵ...شێخ توڕه دهبێ :- لێگهڕێن ئهوماڕزبابه ،بابتۆپێ . بهپڕتاودهچێ وپهلێک لهدار مێوهکه لێدهکاتهوهو بهردهبێته لێدانم . ههرچهند زیاتر شولهکه دادێنێتهوه زیاتر توڕهدهبێ .بهپێچهوانهی ئهوهی بیری دهکردهوه ، هیچ خۆشییهکی ئهوتۆی پێناگا . ناچار بۆئهوهی چێژی تهواووهرگرێ ،دارهکه لهخۆی دهبڕێ . هێندهی کوتاوم ههمووگیانمی ڕهشو شین کردۆتهوه. بهڵام ههست بههیچ ژان وئازاێک ناکهم ، بڵێی هی ئهوهبێ مردووم ؟! هێور هێور گێانم گهرم دادێ ، لهزهت وخۆشییهکی سهیر بهههموو دهمارهکانمدا دهگهڕێ . ئاگام لهخۆم نییه ، ههست دهکهم خهریکه بێ هۆش دهبم . بهڵام ههمووشتێک دهبینم : شارپڕبوووه لهسهربازی کوێر ، دارهکان دهبڕنهوه ووهک گهورهکهیان دهکهن . بێچارانه ! تهنانهت ناتوانن بتوێنهوه .تائهبهد زێندهبهتاڵ بوون .
ادامه مطلب
ادامه مطلب
